نصائح للبنات لما تخرج مع خطيبها اول مره‏

لمــا بإذن الله ربنــا يفك عقدتك كدا وتتخطبـــي
أكيــد طبــعا خطيـبك هيعزمك عزومات رومانسـية
وطبــعا احلى مافى العزومــات دى لما تكـُـون كدا ف احلى مطــاعم
طبــعا انســي إنك تروحى الامـَـاكن دى بعد الجواز

المُــهم .. المهم النصـايح الى هتعمليها مع ختيـبك ( قولنا رقــة )

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا



2- العيش
أوعي تفضحينا وتقطعيه بسنانك..... ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه..



3- الشوووربة..
أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك في البيت.. وتدلدقي على روحك..
بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة.....
وبعدين لما تروَّحي.. إبقي حِفِّي زي مانتِ عايزه..



4- الرز
طبعاً بيتاكل بالمعلقة.. أوعي إيدك تتمد ع الشوكة.. وتغرفي من طبق الرز وتعبي.. إوعي.. الرز بالمعلقة.. وكأنك بتبوسيه مش بتاكليه.



5- المكرونة الاسباكتي
برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



6- السـَــمكْ
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...



7- الجمبـــري
إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقتي..



8 - البطاطس
سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....



9- الفـَــاكهــة
لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....



10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....



كدا خـــلاص بقــا الأكــلْ خلصــ ... اول ما تخلصــى تروحي ماســكة الفـُـوطه الى ع الترابيزة الى دايمــا موجودة دى من غير لازمة وتبوسيــها ال يعنى بتمسـحى بقك
وبعدين تستأذنى إنك تروحى التواليت إسمها التواليـت مش الحمـَـام
وتروحى مطلـعة الشنطة بتـاعتك وتطلــعي لفــة الفـُـول والطعـَـمية وبالهنـــا والشــفا

شكرا لمرور حضرتك يا استاذ اشرف

اشكرك جدااااااااااااااااااااااااا