اسئله تقال كل يوم مع انها منتهى الغباء

يرن الجرس وترد تقول مين !
يجاوبك : أنا ، وشو مفروض إني أعلم الغيب يومك تقول أنا !!

***

منسدح على فراشك ومطفي النور فجأه يدخل عليك أحد ويقولك بتنام !

( لا بطير اكيد بنام !! )

***

انت لابس ومتضبط و تمشي متجه للباب .. فجأه يشوفك واحد من اهلك
ويصرخ عليك ويقول بصوت عالي : هاااهـ فلان بتطلع !!

(لا بروح أجرب الباب )

***

يطق عليك باب الحمام - تكرمون - فلان وش تسوي !

( في الحمام يا أوادم يعني وش أسوي ألعب سياكل !!! )

***

قاعد بغرفتك وماسك الكتاب تذاكر .. يدخل واحد من اهلك يقولك : قاعد تذاكر !!

( لا افرش اسناني , يعني ماسك الكتاب حبن فيه ! )

***

في المقهى صدفه شفت واحد من ربعك او اهلك .. أول شي يقوله : هه وش جايبك !

( ابيع مويه وش بيجبني مثلا ! )

***

والا القنوات هم واسئلتهم !!

في العيد يقابلون واحد من الناس شوفو الحوار :-

المذيع : مرحبا عرفنا على أسمك ؟

المواطن : فلان الفلاني

المذيع : ايش تقول لأهلك في العيد !

المواطن : أقولهم كل عام وأنتم بخير

( لا بيقول منك المال ومنها العيال )

ماااااااااتوا اللي يسألون هالأسئله

***

والأسخف المقابلات السامجة إذا قابلوا الاطفال

يقول المذيع : أنت تحب ماما وبابا !

( لا احبك إنت ووجهك ) وش ذا السؤال الغبي !!

***

برنامج مسابقات على الهوا :

المتصل : الوو السلام عليكم
المذيع : وعليكم السلام هلا وغلا
المتصل: ممكن اشارك
( انت داق عشان تشارك ليش تستأذن !! من زود الذرابة يعني )

***

يعني شي يرفع الضغط ويجيب الصمرقع ، مدري متى بيتركون عنهم هالأسئله

***

لحظة نسيت أسألك: قاعد تقرا الرسالة الحين !

( لا أخيط شبشبي )