الشعب المصرى بيحب ايييييه ؟؟؟

السلام عليكم ورحمه الله وبركاته
ازيكم يا جماعه عاملين ايه؟؟
واللهى وحشتوووووووووووونى موووووووووووووووت ..
وكل سنه وانتم طيبين ....

..................................................................
المصريين بيحبوا ايه
في الواقع التدوينه دي من وجهة نظري يعني وجهة نظر واحد حس وشاف وبيحكي
الكوسة والمحسوبيه
اكتر شعب بيكره الكوسة وفي نفس الوقت يدور عليها مثلا تلاقي الواحد قبل ما يدخل في طابور علشان يخلص حاجه الاول يدور علي حد يخلصله المصلحه وهو في البيت ولو ملقاش وهيتضطر يقف في طابور يبص يشوف حد يعرفه عشان يقف قدامة ولو ملقاش يحاول يشوف حد يظرفه ويخلصله ولما ملقاش يقف وهو متضرر ولو شاف حد داخل في الصف او حد بيخلص المصلحه لحد يبقي عايز ياكله مع انه مش ممانع يعمل هو كده طبعا مش الكل لكن الاغلبيه
الضحك والاستظراف
يا اخي سبحان الله مع كل اللي الناس فيه وتلاقيهم برضه بيحبوا يضحكوا ماشي ربنا يفرحهم لكن لما الضحك يقلب استظراف وتلاقي نفسك وانتا في الشارع او في اي مكان تكلم حد تلاقيه بيستظرف ويقول قفشات عمال علي بطال يبقي لا وتبقي دي قلة ادب بس هتعمل اية ما هيا شوطة وماشية في البلد حتي الافلام الهابطة او الناجحه ماديا هيا اللي كلها استظراف البنطلون لا البنطلون آه حاجه تفقع المراره حمرا هيا اية الطاحونه بيض لكن مش الكل طبعا لكن الاغلبيه
الصين
فعلا المصريين بيحبوا الصين واشمعني : لان كل حاجه دلوقتي بقت ماد ان اتشينا الساعات الولاعات الاجهزه الموبايلات اللبس السبح فانوس رمضان الجلاليب العربيات اكسسوارات الموبايلات والكمبيوترات ودا حتي بقي في بياعين صينين في مصر و... ولاننا شعب استهلاكي محترم فالحمد لله ما بقناش زبون للصين بقينا صحاب محل يا راجل تخيل انا رحت اشتري في مره تفاح لقيت نوعين من التفاح الاصفر فبسال الراجل علي الفرق قالي دا لبناني قلته معروف التفاح الاصفر بيبقي لبناني والتاني دا اية قالي صيني قلتله اوزن يا معلم دا الواحد خايف لما يتجوز ويخلف ينزل الواد مكتوب علية صنع في الصين
القباحه
مش هطول لكن نسبة المعاكسات في الشوارع نسبة الاقبال علي افلام خالد يوسف اللبس اللي بنشوفه في الشوارع والداهية ان مصر من اكتر دول العالم اللي بتكتب كلمة *** في جوجل طبعا مش الكل والحمد لله مش الاغلبيه
التكنولوجيا
بصلي بقي المصريين بيحبوا التكنولوجيا اوي لو وقفت في شارع لازم حتلاقي كل لشباب ضاربين السماعات في ودانهم من اول الام بي ثري وفور وفايف لحد الموبايلات والا بودز وغيره حاجه تانية من سن عشر سنيين واقل كمان والله هتلاقي الاطفال شايلين الموبايلات الشعب بيحب التكنولوجيا تلاقي الميكروباص هلكان وطالع عينه وتلاقي فيه سي دي بلاير وكمان ساوند سيستم علي اعلي مستوي غير كده السايبرات لو كنت في منطقه شعبيه او كده تلاقي الورشجيه والاسطوات بعد ما يقفلوا الورش تلاقي السايبر مليان اللي بيتفرج علي افلام واللي بيدخل ع النت واللي بيعيش مراهقته واللي بيدور علي طفولته وطبعا دا نوع بس من رواد السايبرز مش الكل في لسة بتوع الشات وفي طلبة الثانوي المزوغين وفي السالز جرلز اللي متاخر جوازهم و وو و

سيلك رود وميدل اف اونور
تدخل السايبر من دول تلاقي العيال والشباب وال كله بيلعب والنصايح والكاراكترات اللي بتتباع وتلاقي عيل بيوجه واحد كبير وتلاقي واحد بينفعل علي واحد وبلاوي الشعب المصري بيحب العاب الفيديو
الشعب المصري بيحب الكوره
الشعب المصري بيحب الوهم
الشعب المصري بيحب الاشتغالات

من طرف **احمد نجم1** الإثنين أغسطس 23, 2010 1:06 pm

ايه يا كابتن هو انت غبت علينا
وبعدين جاى نضلمها قوى ليه كده
ارحم اخواتك شويه

الشعب المصرى بيحب ايييييه ؟؟؟

الشعب المصرى بيحب ايييييه ؟؟؟

رد: الشعب المصرى بيحب ايييييه ؟؟؟