فلسفة الابتلاء

قريب كنت بسمع برنامج وقال الكلمه دى
اعدت افكر كتير فى معناها

واقول ياترى احنا وصلنا للدرجه دى؟

ندخل حتى فى ابتلاء ربنا لعبده

شايف ربنا عمل فيه ايه ما هو من ظلمه _

يا ساتر ده غضب ربنا على وشها_

ربنا قلل رزقه من كتر اللى بيعمله _

شوف ربنا موتله ابنه عشان يتعظ_

حلال فيه المرض عشان يتقى ربنا _

يا ستيــــــــــــــــــــــــر يارب

ليه بقى كل ده ؟

هو الا بتلاء شر؟

هو الا بتلاء لكل انسان غلط؟

او هين عند ربه

لاء مش صح
بالعكس
اذا احب الله عبدا ابتلاااااااااه

ليه بقى بتعلق على حكمه ربنا؟

إن الله تعالى عندما خلق الخلق وأبدع الكون

ذكر سبحانه الحكمة الباهرة من هذا الخلق

وهي عبادته وذكره

وتحكيم منهجه في الأرض

لكن الناس سيدعون الإيمان ويظهرون الطاعة

لهذا كان لابد من اختبار يبين الله

فيه الصادق من الكاذب والصابرة من الجازع

والمؤمن من المنافق

وهذا الامتحان هو ما عبر القرآن الكريم عنه بلفظ الابتلاء

فقال تعالى الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً وَهُوَ الْعَزِيزُ الْغَفُور

تدبر روعه القراءن الكريم فى هذه الآيه ايضا

(ولا تهنوا ولا تحزنوا وأنتم الأعلون ان كنتم مؤمنين، ان يمسسكم قرح فقد مسَ القوم قرح مثله وتلك الأيام نداولها بين الناس وليعلم الله الذين آمنوا ويتخذ منكم شهداء والله لا يحب الظالمين، وليمحص الله الذين آمنوا ويمحق الكافرين، أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين)


لسه بردو شايف ان الابتلاء ربنا بيختص به عباد عصوه سبحانه وتعالى وبس؟

طيب مش هنروح بعيد
تعرف ان اكتر البشر اصابه بالابتلاء هم الانبياء
فكر كده كويس
فى كل نبى ربنا ابتلاه بأيه؟

حتى سيد الخلق سيدنا محمد عليه افضل الصلاه والسلام

تذكر ابتلاءه صلوات الله وسلامه عليه فى عام الحزن

عند موت السيده خديجه رضى الله عنها

وعمه ابى طالب

واكثر من ذلك ابتلاءات

فكان حكم الله عز وجل

ضاقت بك الدنيا فمرحبا بك فى السماء
فرزقه الرحله برحله الى البيت المقدس ثم الى السماء
اظن دلوقتى عرفت ان الابتلاء مش معناه ان العبد ده هين عند ربنا
بالعكس
ده حب من الله للعبد واختبار له وتقويه لايمانه


على فكره انا مقصدتش بكلامى ان احنا نتمنى الابتلاء

ولا ندعى ربنا يبتلينا

لا والله
بس قصدت بلاش آلسنتنا تنال من وقع عليه الابتلاء
وندع الخلق للخالق

وعند اصابتتنا بابتلاء مثله نصبر ونحتسب الاجر عند الله

جعلكم الله وايانا ممن يستمعون القول فيتبعون احسنه‬

كلام زى الفل
تعالى بقى وقول الكلام ده الواحد عنده مشكله او موت اوغيره يرد عليك ويقولك انت مش حاسس بيه انت مش مكانى برغم لو فكرنا شويه ان دائما الخير من الله والشر من انفاسنا لكن طبيعه بشريه لازم كلمه ليه يارب ربنا يجعلنا جميعا من الصبرين
موضوعك فاكرنى بموقف حصل ليه من خمس سنوات وقلت ليه يارب بس كان الخير مكتوب ليه ومش كنت
اعرف دلؤقتى بستغفر ربنا فى كل وقت وبحمد ربنا لان فى ابتلاء ربنا رحمه ياليت قومى يعلمون يارب الناس تصبر على اى ابتلاء

شكرا جدا لحضرتك ولاضافتك القيمة الغالية
مرورك اسعدنى يا مدام احسان

شكرا استاذ حمادة للموضوع الجميل و ربنا يقدر ويصبر كل من ابتلاة

شكرا لمرور حضرتك يا مدام دعاء

شكرا على الموضوع الجميل
ولقد امرنا ديننا الحنيف
ان نصبر ونحستب عند نزول البلاء بقول
انا لله وانا اليه راجعون
لله ما اعطى ولله ما اخذ

شكرا ليك ياستاذ احمد لمرورك ولاضافتك الجميلة