عمارة يعقوبيان

ممكن حضرتك تكملى الموضوع بالروابط لو امكن لرؤيتها
معلومات حضرتك مش رائعة دى بجد هايلة

المعلومات بدون روابط
لكنها قائمة على البحث الشخصى
اى استفسار ممكن اوضحه لحضرتك

[ندعوك للتسجيل في المنتدى أو التعريف بنفسك لمعاينة هذا الرابط]
ده الرابط بتاع القصه

ميرسى يا استاذ احمد

تقديم رائع مدام دودى
وموضوع اروع واروع
نشكرك على عقلك الكبير
والبدايه الجباره

ايه ياعم الكلام الكبير دا
احنا مش اد كدا
بس حقيقى القصة رائعة وقرائتها امتع وامتع من رؤيتها كفيلم
لان الكاتب ابدع فيها ولم يترك خاطرة او تفصيلة الا و تحدث فيها واوضحها
اتمنى للجميع قراة ممتعة
ونقد راقى

والله انا شايف ان الرواية او الفيلم لايحتاج اى نقد
فقد ابدع الكاتب فى ربط عمارة قديمة بكل الاحداث الموجودة من خلالها او حولها من احداث جارية فى ذلك الوقت واعتقد ان نفس الاحداث لازالت موجودها ونعيشها الان باختلاف الشخصيات
فقد ضم الموضوع الفساد السياسى والفساد الاخلاقى والفوارق الطبقية الملحوظة
وايضا من تفاصيل الرواية او الفيلم
ناقش بعض الامور شملت على كل انحرافات المجتمع والناس
من محسوبيات لشاب طموح اراد ان يكون بمنزلة مرموقة عن طريق اجتهادة الشخصى لكن يرفض المجتمع ذلك لكونة من اسرة فقيرة(ابن بواب) لياخذ بعد كدة مسلك اخر فى التطرف الدينى مما اعطى الكاتب بان يسلط الضوء على هذة الناحية ايضا
وكذلك سلط الضوء على الاروستقراطية من خلا بطل الفيلم او الرواية هو واختة من خلال الرجل الذى يعيش فى قمة انحلالة وينظر الى العالم من حولة على انة ملكية خاصة لة وترك نفسة للخمور وايضا الحريم التى تغيبة عن واقعة
وكذللك تكلم الكاتب عن الشذوذ الجنسى الذى يستنكرة العقل والمجتمع والدين
وعن البنت الفقيرة التى باعت نفسها من اجل المال بحجة احتياجها واحتياج اهلها
وايضا لم يترك الكاتب الطبقة البروجوازية التى تشترى الناس بفلوسها واعمالها المشروعة والغير مشروعة
لو تكلمت على كل شخصية باحداثها اعتقد ان دة محتاج كلام كتير ولكن اهم ما فى الموضوع بانة جسد كل الواقع الذى نعيشة من احداث حدثت بالامس ولا زالت تحدث الى الان
اتمنى ان اكون عبرت واشرت الى بعض الامور الموجودة داخل القصة
تحياتى لكم

شكرا يا فندم على الاهتمام
بس احب اوضح لحضرتك ان جملة الرواية مش محتاجة اى نقد فيها حاجة
لان النقد مش بالضرورة يكون بالسلب وانما ف الايجابيات ايضا
كمان حضرتك لو نظرت لتاريخ الشخصيات هتعرف اسباب تطور كل شخصية
فهذا الرجل الارستقراطى المنحل كما تذكر ومهما زاد انحلاله الا انه تربى على انه باشا ابن باشا له من الاصول
ما يجعله ينأى عن الرد على اى كلمة جارحة مثلا
وهذا الشخص الشاذ وبالرغم من انحلاله الا انه ناجح جدا فى عمله فما اسباب شذوذه هذا
انها قصة بكل ما تحمله من ابعاد وتطورات وخلفيات مجتمع لكل شخصية على حدة
رسمها المؤلف وابدع فيها واتمنى ان يحوز اختيارى اعجابكم

بعد البحث والتحليل والتدقيق
وقراءه الروايه ومشاهده الفيلم اكثر من مره
استقر راى النقدى على الاتى
اولا الموضوع روايه وفيلم اكثر من رائع
ثانيا الفيلم ثم الابداع فيه ولم يبعد كثيرا عن الروايه الحقيقه للكاتب
ولكن من ملاحطاتى على الروايه
ان الكاتب علاء الاسوانى وان كان اكبر واعظم من نقدى
فانى ترى انه بالغ كثيرا فى كل الوصف فى الروايه
سواء فى معادله الدين الاسلامى والمسيحى
او المبالغه الكبيره فى المشاهد الجنسيه التى وصفها
الكاتب بصوره مثيره جدا على نفس النسق الذى يتبعه
الكاتب احسان عبدالقدوس فى رواياته
اما الفيلم فنظرا الى انه محدد المده فكان يغفل الخلفيات
والسير الشخصيه لابطال القصه وهو ما وضه علامات استفهام كثيره
فى وعرفه شخصيه مثل (ابسحرون ) الملقب فى القصه ب (فانوس )
وفى الاجمالى فان العمل رائع جدا ويستحق الوقفه والتحليل
للوقوف على المتغيرات التى حدثت للمجتمع المصرى فى الاونه الاخيره
ويجب على علماء الاجتماع والنفس تحليل الشخصيات وبناء نظريات
حديثه تواكب احوال المجتمع

شكرا ليك يا استاذ احمد للاهتمام والنقد والتحليل والمتابعه
واضح ان الدكتور علاء الاسوانى منهجه ف الكتابة نفس نهج الكاتب الكبير احسان عبد القدوس
من حيث الوصف الدقيق و التحليل القوى للاحداث والشخصيات ودا طبعا وان كان واضح اوى ف الرواية الا انى اعتقد انه خدم الفيلم لانه ساعد المخرج مروان حامد وبالرغم من ان الفيلم دا من اوائل اعماله..ساعده على اخراج العمل باقتدار لانه كان ملم جدا بكل تفصيله بالقصة بسبب دقتها ف الوصف
وطبعا زى ما حضرتك وضحت ان الخلفيات التاريخية للاشخاص والاحداث كان ليها اثر كبير ف استمتاعنا بالرواية المكتوبة لان الفيلم بردو اغفل الكثير منها لطول مدة عرض الفيلم
ميرسى جدا لتحليلك ونقدك الراقى للقصة واهتمامك بالموضوع
وكنت اتمنى ان باقى اعضاء المنتدى يشاركونا
يا جماعة الموضوع مش صعب..قولوا رأيكم ايه

انا مش فاهم ينفع حد يفهمني؟

الاستاذ العزيز كريم
شكرا جزيلاااااااااااااااااااااا
للاهتمام بالموضوع
احنا بنطرح كتاب او فيلم او مسلسل او مسرحيه
او اى موضوع تكتب رايك فيه من حيث طريقه التمثيل
والاخراج وجمال القصه او ردئتها
المهم تكتب رايك الشخصى مهما كان
علشان تتعود تقول رايك
وتلاقى اللى يسمعك ويوجهك
وشكراااااااااا

مستنية رأيك يا كريم واراء باقى الاصدقاء

الاستاذة الفاضلة / دودى
اشكرك على طرح الموضوع واسف جدا لتاخرى فى الرد على سيادتكم

من الظلم أن نأخذ من رواية "عمارة يعقوبيان" معيارا لمحاكمة الفيلم أو تقييمه؛ فالمقارنة واجبة وأكيدة لكنها بشكل أو بآخر ظالمة وغير مراعية لفروق الوسيطين؛ فالوسيط السينمائي وسيط مسطح بطبعه مقارنة بالأدب.

فصانع الفيلم يحتاج لجهود كبيرة جدا لإضفاء العمق وشرح الدخائل لشخصياته وردود أفعالها تجاه علاقتها ببعضها البعض، وعلاقتها بالأحداث والمتغيرات وعلاقتها بنفسها، في حين أنه من اليسير على الكاتب أن يضمن عمله الأدبي من خلال مونولوج شارح، أو عبارة كاشفة على لسان الراوي، أو استبطان داخلي تقوم به إحدى الشخصيات.

ومن ثم جاء الفيلم مختلفا عن الرواية في كثير من الأشياء، أهمها خفض حدة النقد السياسي، وهذا جعله يفقد الكثير من قيمته في هذه المرحلة التي تمر بها مصر؛ فقد تحول من نقد واضح وصريح في الرواية إلى غمز ولمز سياسي بسيط وجانبي في الفيلم.

"عمارة يعقوبيان" فيلم ليس على مستوى التوقعات كلها، ومع ذلك يفتح العديد من النوافذ ويطرح مشاركة كبار النجوم في أفلام تتفاعل وتتعاطى صراحة مع بعض مشاكل الواقع المصري.

ورغم أمل كاتب السيناريو "وحيد حامد" بتقديم وثيقة بصرية تتأمل في الإنسان وعلاقته بالمكان، ومحاولة تقديم قصيدة شجية عن الاغتراب وعن علاقة الذات بمجتمع وعصر مشوه، لكن طول العمل الفني (160 دقيقة) وعدم العمق في معالجة بعض الشخصيات أفقده جزءا من العمق وتحديدا على مستوى الهم السياسي.

فيلم "عمارة يعقوبيان" نقطة، ونقطة فقط نحو تحول سينما مصرية جادة تتشابك مع قضايا المواطن أو الإنسان المصري، فهل يستمر ذلك لتنال قطاعات وشرائح أخرى وبشكل أكثر موضوعية ودقة؟ هذا ما ستحمله الأيام.

وبعد البحث وجد نقدا فى نقاط محتلفة
1-عمارة يعقوبيان".. مصر "تتعرى" سينمائيا
2-نقائص ومصائر
3-نقيصة الجنس
4-نافذة الفساد الضيقة
5-نهاية "مأساوية"!
6-ابن البواب ارهابى

اشكرك يا استاذ اشرف
ولا تعليق.................

بصراحه تستاهلى جائزه

الفيلم جميل جميل جدا
بس الروايه انا مقرتهاش
وانا ماليش فى النقد قوى بس اللقطات الجنسيه كانت مثيره
واشكرك على طرح الموضوع

لا تعليق

ليه يامحمد لا تعليق اكتب رأـيك بصراحه

بصراحه احنا نتكلم افضل عن الروايه
وبلاش الفيلم لانه اصلا مينفعش نتكلم فيه لانه فيلم زفت زى بقيت الافلام دلوقتى

صديقتى سماح..
مالكيش ف النقد اوى..فى بابنا دا كل الحكاية انك تقولى رأيك الخاص وبس
لان الهدف اننا نقرا ونتابع ونشارك بعض الاراء
وميرسى لرأيك بس احب اوضح ليكى ان الفيلم يشبه الرواية كتيير جدا مع الفرق ان الرواية مستفيضة اكتر ف تاريخ الشخصيات وان كان المخرج عالجها بالقاء بعض الضوء من وقت لاخر ف الفيلم على خلفياتهم الحياتية
تحياتى وشكرا لاهتمامك

ايه بس اللى مش عاجبك ف الفيلم يا محمد
يا ريت توضح عشان نتناقش
دا كان من افضل عشر افلام ظهرت على مدار الاعوام السابقة
طبعا من حيث الاخراج والانتاج القوى والابطال المتميزين
لكن احنا هنا بنتكلم عن الموضوع نفسه
موضوع الرواية و ازاى الكاتب باقتدار استطاع انه يحلل تاريخ مصر على مدار خمسين عاما من خلال عمارة تضم كل هذه الفئات والمستويات
منتظرة تعليقك وشكرا لمرورك

ميرسى ليكى يا احسان
بس انتى ما قلتيش رأيك ليه
احب اعرفه

ممكن اعرف ايه اللى مزعلك من الفيلم يا محمد
لولا الفيلم من افضل الافلام اللى انتجت خلال الاعوام السابقة
من حيث الاخراج والانتاج القوى و طبعا الابطال
لكن احنا كل اللى يهمنا هى الرواية لانها بالفعل قوية
وكفاية ان الكاتب د.علاء الاسوانى رصد من خلالها تاريخ مصر
على مدار اكتر من خمسين عام من خلال عمارة واحدة تجمع فيها مختلف الشخصيات و مختلف الفئات والبيئات مما اعطى للقصة جو جرئ من النقد لمواقف كتير بتحصل حوالينا احنا مش حاسين بيها
زى مثلا موقف الانتخابات و موقف التقديم ف كليات الشرطة
كلها سلبيات احنا عايشينها ف مجتمعنا وبنتمنى انها تنتهى
مستنية رأيك يا محمد وميرسى لمرورك