هو انا ادبى علوم ولا ادبى رياضة؟!

من طرف **حمادة كاتو** الجمعة يوليو 16, 2010 11:11 pm

الغردقة
ايمان كاتو

وأخيرا …..
أقتنعت بنصيحة كل اللي حواليا
وروحت لدكتور أمراض عقلية
وسألته إيه الموضوع ؟؟
قالي عادي ده طبيعي
دي أعراض إنتهاء الثانوية …..

قال عشان أنا عايزة أدخل معهد السباكة العالي
وهما عايزني أخد الهندسة كليه
ألا صحيح ……
إيه الفرق بين كم الاستفهامية
وكم الخبرية ؟؟

يالا . . . . .
يخرب بيت الممنوع من الصرف
على قاعدة if
على قانون أوم
ع الازدواج والعزوم

آه بالمناسبة
حد يقولي هوا أنا صاحية
ولا نايمة
ولا بين الصحيان والنوم

بس خلاص أنا عرفت
أنا بخرف

وبألف
وبقول كلام مالوش لزوم

أكتشفت مؤخرا
إن الرياضيات دي مجرد
تفاضل وتكامل
وكام شئ مش مفهوم

كان مالها بس الأحياء
ما الأحياء إلا كام زرعة
على كام رسمة لبنأدمين
بس من غير هدوم

حد يعرف . . . . .
إمتى هيطبق كادر المعلمين ؟ !
وامتى هيقتنع بعبقريتي كل المدرسين ؟ !
وياترى حالتي دي خطيرة ولا مجرد نقص فيتامين ؟ !
لو عرفت الاجابة
ابعتها فورا

العنوان : مستشفى المجانين