العيب فى مين

من طرف **دعاء مصطفى** الأربعاء يوليو 07, 2010 5:08 pm

فى الزمن و لا البشر و لا المجروحين
فى العالى و لا الغالى و لا الغدارين
فى اللى معاة المال ولا فقير غلبان
العيب فى راجل فوق ظهرة حمل تقيل و هم تتمايل بية الجبال
ولا فى ست أرملة مسؤلة عن خمس عيال
العيب فى بنت مخلصة تسأل عنها يقولو كويسة
ولا فى أسرة أدمرت علشان جيوبها مفلسة
فى الباشا و لا البلطجى
فى السايس ولا الطبلجى
فى أسرة عايشة مرفهة
و عيشتها عيشة مزهزهة
فى المدير ولا الغفير
فى الغنى ولا الفقير
فى اللى من النعم أتحرم
واللى فى الدنيا أتظلم
ولا فى الشقيان و كل يوم جعان
فى الصاحب و لا الكمسرى
فى الطبيب ولا السمكرى
فى القاضى و لا العسكرى
فى اللى بيحط فى الزرع الكيماوى
و لا فى اللى للشرب غاوى
فى أم ربت كبرت
ولا فى نفوس أتغيرت
فى البسيط و لا الاليط
فى العاقل و لا العبيط
فى موظف و ضميرة اتنسى
ولافى عليل حمال الآسى
يا ناس قولولنا العيب فى مين
فى الزمن و لا البشر و لا المجروحين
فى شاب محروم من الجواز
مفبش فلوس يجيب جهاز
فى مهندس ساكن جوة حالرة
ولا بياع فل فى أشارة
ولا من كتر البطلة
شياب كتيرة ضايعين
ياناس قولولنا العيب فى مين
فى العالى و لا الغالى و لا الغدارين
فى اللى مات يا نا س غريق
و اللى فى السجن بريى
فى اللى ابنها راح منها
و الحزن ساكن قلبها
فى شاب فارش شقتة
و فى لحظة فارق دنيتة
ما تقولولنا العيب فى مين