كارثه وفساد فى ابو نجم

بسم الله الرحمن الرحيم
احب الفت انظاركم على كارثه فى البلد هى مشروع (الصرف الصحى) بيقوله هيفيد البلد لكن حسبنا الله ونعم الوكيل فين الفايده دى بعد الانتهاء من معظم شوارع البلد اكدوا معظم سكان البلد ان المجارى ردت الى بيوتهم بشكل سىء جدا وغرقت المجارى منازلهم والسبب فى ذلك المشروع الفاشل (الصرف الصحى) وده مش غريب على حكومتنا كل مشاريعها فاشله زى مشروع توشكى مثلا
وعندنا فى الشارع (شارع المعهد الدينى الثانوى)كل يوم مشاكل مع المقاول الذى يقوم بقطع المياه بشكل متتكر عن المنازل حتى فاض بالناس الكيل وقاموا بالحديث معه ولكنه قليل الادب فى التعامل مع الناس
وقطع المياه فى اوقات صعبه مثلا تصحا من النوم تلاقى المياه قاطعه يبقى هتتجنن ، ومفيش حل معاه وده دليل على الفساد لان المقاول زى ما كلنا عارفين معاه مزانيه قيمتها 8 مليون جنيه لاتمام المشروع فى البلد ليه مش معاه كهربائى علشان الكهرباء الى بتقطع هى كمان بسببه، ومش معاه ليه سباك علشان المياه لما تقطع يعملها ، طيب الفلوس بتروح فين 8 مليون جنيه فين يا جماعه حسبى الله ونعم الوكيل، برضه هنسكت
ونرضا بالاهانه وهنسيب حقنا ، ولو حد عايز يعرف ويتاكد من الى بيحصل ممكن يسال الناس الى فى الشارع طيب ايه الحل؟
يا ريت اعرف منكم الحل لانى خلاص زهقت وكل الناس الى فى الشارع زهقت منه

ربنا معاكم بس فين المحترمين اعضاء المجلس المحلى اللى شاطرين فى الكلام مش مفروض دى مشكله تخص البلد
ياريت الشباب الناضج هو اللى يبدأ يتولى المناصب المحليه علشان تكون الحركه اسرع فى حل المشاكل ربنا معاكم
د