كيكة البرتقال

من طرف **Mohamed Ghobish** الجمعة أبريل 09, 2010 1:31 pm

كيكة البرتقال
مجموعة كبيرة من أصدقائنا طلبوا منا إننا نقدّم طريقة عمل كيكة البرتقال، وعلشان كده حبينا نقدّمها في العزومة، يا رب تجربوها وتعجبكم..

المقادير
2 كوب دقيق منخول
2/1 معلقة صغيرة ملح
كوب سكر
كيس بيكينج باودر
2/3 كوب زيت
3 بيضات
3/2 كوب عصير برتقال
ملعقة كبيرة بشر برتقال

الطريقة
1- قبل ما تعملي أي حاجة، شغلي الفرن علشان يسخن في الوقت اللي بتحضري فيه العجينة.

2- اخلطي الزيت مع السكر، واضربي البيض مع بشر البرتقال، وضيفيه على خليط الزيت.

3- اخلطي الدقيق المنخول مع البيكينج باودر، وضيفيه بالتدريج على خليط الزيت والبيض، واعجنيهم كويس مع بعض، وبعد كده ضيفي عصير البرتقال وقلبي كل المكونات مع بعضها كويس جداً.

4- أحضري الصينية أو القالب اللي هتعملي فيه، وادهني قاعدته سمن أو زيت، وحطي طبقة دقيق، وبعد كده صبي العجين بس خلي بالك وإنتِ بتصبيها إنك تصبيها بشكل متواصل، وبعد كده دخليها الفرن الساخن وسيبيها لمدة 20 دقيقة، وبعد كده خففي النار شوية وسيبيها لغاية ما تستوي، وبعد كده قدميها وبالهنا والشفا

من طرف **ام حبيبه** الجمعة أبريل 09, 2010 2:02 pm

شكرااااااااااااااااااااا
جزيلااااااااااااااااااااااااا

كيكة البرتقال

كيكة البرتقال

رد: كيكة البرتقال