سلطة الرنجة بالبطاطس والمايونيز

من طرف **Mohamed Ghobish** الجمعة أبريل 09, 2010 1:24 pm

والنهارده هنعمل الرنجة بطريقة جديدة ولذيذة جداً وهي "سلطة الرنجة"..

والوصفة دي يُفضل إننا نعملها قبل شم النسيم بيوم ونحطها في الثلاجة..

المقادير
1/2 كيلو رنجة
2 حبة بطاطس مسلوقة
ثمرة جزر
بصلة مقطعة
بصل أخضر
مايونيز
زيت زيتون
خل
ليمون
بقدونس مفروم

طريقة التحضير
1- هاتي الرنجة واشويها على النار، وبعد كده شيلي منها الجلد والشوك، وقطّعيها لقطع صغيرة، واعصري عليها الليمون.

2- هاتي البطاطس المسلوقة وقطّعيها لمكعبات، وقطعي البصل والجزر والبصل الأخضر لشرائح رفيعة.

3- ضعي الخضار المقطع وباقي المكونات فوق الرنجة وقلّبيهم كويس مع بعض، وحطّيهم في الثلاجة، وعند التقديم حطّيها في أطباق التقديم وزينيها بالبقدونس.. وبالهنا والشفا.

خلي بالك:
إن تسخين الرنجة أو الفسيخ في الفرن عند 100 درجة مئوية لمدة ربع ساعة بيزيد من الأمان الصحي لإنه بيساعد على التخلص من الكائنات الدقيقة، وما تفرزه من بعض السموم.

من طرف **اشرف الشوربجى** الأحد أبريل 11, 2010 3:13 pm

الف شكر وجزاك الله خيرا

سلطة الرنجة بالبطاطس والمايونيز

سلطة الرنجة بالبطاطس والمايونيز

رد: سلطة الرنجة بالبطاطس والمايونيز