طلب من الاستاذ محمد غبيش

من طرف **حمادة كاتو** السبت أكتوبر 02, 2010 9:17 pm

انا لاحظت ان حضرتك دائما بتحب تكتب عن الاجهزة والكمبيوتر والتليفونات ومهتم بما كل هو جديد فى عالم الاجهزة
اية راى حضرتك لو فتحنا لحضرتك باب جديد باسم عالم الاجهزة وتقوم حضرتك بالاهتمام بية وتزويدة بالمعلومات وايضا تجيب برامج خاصة بالكمبيوتر
كبرامج تشغيل وبرامج صوت وكل مايخص عالم الكمبيوتر وكمان ان امكن برامج السوفت الخاصة بالموبيل
وكل الى حضرتك تقدر علية لتفوز اولا بالانفراد ونرفع من وضع المنتدى الى حضرتك مشترك فية بزيادة دخول الاعضاء الجدد للاطلاع والتحميل ان امكن
اخوك حمادة كاتو

من طرف **Mohamed Ghobish** السبت أكتوبر 02, 2010 9:48 pm

شكرا لحضرتك و على اهتمامك
الفكرة حلوة جدا و انا معنديش مانع
و لكن فعلا يوجد ما يشابه هذا الباب -المقترح- و هو منتدى الكمبيوتر و به العديد من البرامج.
انا عندي اقتراح لنفس فكرة حضرتك و هو اننا نعمل فرع خاص بالتليفونات و كل ما هو جديد فيها بالاضافة للجديد في عالم الكمبيوتر يداخل عالم التكنولوجيا و الابتكارات
و شكرا مرة اخرى للاقتراح الجميل
و نتمنى رأي باقي الاعضاء و مدير المنتدى على تنفيذ فكرة الاستاذ حمادة
و شكرا

من طرف **احمد نجم1** السبت أكتوبر 02, 2010 10:50 pm

طبعا زى ما انت عارف يا استاذ محمد
ان الاستاذ حماده كاتو هو الملك المتوج لهذا الشهر
وان مجرد التفكير فى تطوير المنتدى من اى عضو بالمنتدى هو اسمى
امنياتى واعظم ما اتمناه ولكن زى ما حضرتك رديت احنا بنتجنب التكرار
وكانت هناك ابواب كتيره مفتوحه فى المنتدى ولكنها لم تجد صدى عند اعضاء وزوار المنتدى
لذلك حذفت على سبيل المثال لا الحصر
باب مواقف اعجبتنى
لذلك لو تم تنفيذ كل اقتراحات الاعضاء دون دراسه
سوف نجد طول الصفحه الرئيسيه للمنتدى 3 متر وربع
بدون فائده وتترك انطباع سئ عند الزوار والاعضاء وتصيبهم بالملل
ولكن باب مثلا زى
الطب البديل اقترحه الاستاذ حماده وتابع الكتابه فيه فمرحبا
وانا سعيد جدا بالاهتمام بالمنتدى لهذا الحد
وان كان عند الاستاذ محمد استعداد لمتابعه كل جديد بالتليفونات
يرد عليا وسوف انشئ الباب حالا

طلب من الاستاذ محمد غبيش

طلب من الاستاذ محمد غبيش

رد: طلب من الاستاذ محمد غبيش

رد: طلب من الاستاذ محمد غبيش