سؤال عن الصوم

من طرف **البرنسيسه** الجمعة يوليو 23, 2010 12:22 am

عمو محمود النجار
اولا كل سنه وحضرتك طيب
ثانيا انا عندى 7 سنوات واصوم من السنه اللى فاتت
ولكن ابى وامى يخلونى افطر غصب عنى
وانا بحب اصوم
ممكن النصيحه

السلام عليكم ورحمة الله وبركاته.

اجابتى على الطفلة (البرنسيسة) وارجو ان يقرأها كلا من بابا وماما

اولا يا بابا
من شروط الصيام البلوغ يعنى علشان الصيلم يكون فرض عليه لازم يكون عندى 15 سنة.
اما صيام الى اصغر من كده فليس فرضا عليه بل ان هذا شىء جميل جدا جدا جدا
منك لما تصومى وربنا يقبله ان شاء الله.

فياريت يابابا نسمع كلام بابا وماما ومش نخالف امرهم.حتى لانغضب ربنا

وكلامى الى جاى لبابا وماما.

ياريت ياجماعة نتبع هدى النبى عليه الصلاة والسلام.فى التعامل مع اطفالنا
وان وجدنا الطفل عنده القدرة على الصيام فلا نمنعه.

فقد كان الصحابى هشام بن عروة يقول(كان ابى يأمر الصبيان بالصلاة اذا عقلوها
وبالصيام اذا اطاقوا.
نعودهم على الصيام فى الصغر ونعطيهم الهدايا كما فعلت بعض الصحابيات وهى
الربيع بنت معوذ قالت(كنا نصوم ونصوم صبياننا الصغار منهم ونذهب الى المسجد ونصنع لهم اللعبة من الصوف.

وبذلك نغرس فى اطفالنا حب الصلاة والصيام وفى نفس الوقت مش نفرض عليهم الصيام لانهم ليسوا مكلفين به.فان وجدنا عندهم القرة تركناهم وانلم نجد فلا نرهقهم
خاصة ونحن فى الصيف.

ربنا يبارك فى ابناءنا جميعا وينفعنا بما علمنا.