الفرق بين موبيل البنت وموبيل الولد

الفرق كبير جدا وده حقيقة اللى مش مصدق سواء ولد او بنت يبص لموبايله وانا عارف فى هيقولوا ان مش كل البنات كده ولا كل الشباب كده لكن للاسف اللى عكس كده قليلون اوى ندخل عالموضوع بقا
موبايل البنت:-

ا-بالنسبه للنغمات

بطمنك
الليله دى
خليك معايا
قد الحروف

ناس بتعرف تسمع اغانى بجد

اما بالنسبه للخلفيات

دباديب
قلوب
مناظر طبيعيه تفرح

ناس عندها ذوق

اما بالنسبه للرسائل

طبعا كلها رسائل حب
وحاجه كده كلها مشاعر واحاسيس معدومه عند ناس اصحابنا

اما بالنسبه لحاله الموبايل

الموبيل بتاعهم كانه لسه طالع من الكرتونه

نصيحه اللى عاوز يشترى منكم موبيل يدور على واحده بتبيع موبايلها
------------------------
اممممممم
اما بالنسبه للشباب
الله لا يوريكم
بالنسه للنغمات


الدنيا خربانه
المولد
انتى دنيا
الليل والشوارع
يا خاينه

وطبعا الشباب بيطبقو حكمه لولا اختلاف الاذواق لبارت الاغانى
ياريتها كانت بارت واستريحنا



طبعا بيحطو مناظر طبيعيه ايشى بركان لسه منفجر
مناظر تسونامى
اشكال تموت من الرعب على اساس ان لما يجى حد يمسك الموبيل يتخض فيسيبه فميلعبش فيه وجهه نظر برده

اما بالنسبه للرسائل

طبعا دى بقى مقدرش اقول فيها حاجه

دي مجرد عينة
اهديك ثلاث وردات ورده مليانه حب وورده مليانه وفا وورده مليانه نحل يقرصك اذا نسيتني!!!


عيونك مثل عيون النسر وصوتك مثل صوت البلبل وجسمك مثل جسم النمر ببساطه انتا اغرب حيوان!!!


تيجي فجأه على بالي اضيع اتشقلب حالي واجري على بصله واقول ريحة الغالي!!!



حبنا مش غلطه انا صقر وانتا بطه انا كتاب وانتا شنطه انا قلب وانتا جلطه!!!


الساعه 4 الفجر تفتح الشباك وتقول بحبك حيرد عليك الصدى ويقلك روح نام يااهبل!!!


انتا الجمال انتا الدلال انتا العشره منك بريال!!!


لو خيروني بين حبك وبين مال قارون هاختار مال قارون اسف الحياه اصل صعبه قوى!!!

اما بالنسبه لحاله الموبيل

فحاجه كده زى متقول دى عدد متجمعه
يعنى الموبيل عباره عن كذا عده فى بعض
وده طبعا من كتر الرمى من اى حته فى اى حته
وهيا تعتبر موبيلات على ما تفرج

اللى عاوز يشترى عده من شاب ميفكرش انها هتقعد معاه اكتر من اسبوع وتبوظ لانها بتبقى متلصمه

شكرا جزيلا موضوع جميل و عندى موبيل للبيع

ياريت حضرتك تعرفينى بكام
شكرا للمرور

ميرسى ع الفروق الحلوة دى
دمك سكر والله

ميرسى لحضرتك جدا يافندم
دة والله من ذوق حضرتك

اشكرك على الموضوع
واشكرك انك قولتلى انى مش اشترى موبيل من راجل

اشكر حضرتك لمرورك جدا
انا بس حبيت انصح مش اكتر
والارزاق على الله

اه جو الموبيلات العسل ده كلام زى السكر

والله يامدام احسان انا بحاول اخرج الاخوة الاعضاء من الجو او المود شوية
لمجرد رسم ابتسامة لو بسيطة على وجوهنا لاننا اكيد بنحتاج شوية كلام فاضى وندخل جنبة كلام مليان عشان الناس متملش
شكرا لمرور حضرتك
واعتقد ان حضرتك الى عسل

ربنا يسامحك يا استاذ حماده
طب انا كنت هبيع الموبايل للمدام
اهى رجعت فى كلامها
اعمل ايه دلوقتى

اشترية منك يااستاذ احمد
احنا نقدر نبوظ لك البيعة
شكرا للمرور